اعزائى ورجعنا تانى مع برنامج انا والبطيخ وهواك ولسه بنتكلم عن الاستهبال فى الحب
منتظرين مكالمتكم على 1300096والاس ام اس على 6066وايميل البرنامج على هواك
ات نيل راديو بروداكشن دوت كوم او نص كوم براحتك يعنى
تيرا ارارا انا والبطيخ وهواك برنامج للحب وعن الحب تحت رعايه كريم جبس
لبشرة منيله بستين نيله وجيل زحلقه تزحلقه يزحلقك
اعزائى لسه معاكم وبنتكلم عن الاستهبال فى الحب
وناخد اول اس ام اس
عنتر بيقول لعبله انه مش عاوز يشوف وشها تانى وبصراحه هيه مبقيتش تنفع ببصله
وبيقولها ياريت متتصلش بيه تانى ماشى يا عم عنتر ابن مفتاح
تانى اس ام اس معانا بتقول هاى بيسو انا ميار قول لمافيا وحودا انى هقلع الى فى رجلى واديلهم على دماغهم
اوكى يا ميار
ومعانا اس ام اس بتقول هاى بيسو مش قولتلك تقول لكابو انه ميتصلش تانى جوزى قفشنى
وانا بكلمه
خلاص يا ستى براحه وانت يا عم كابو جملات متجوزة يعنى من الاخر بتقولك اهرب وانزل من على
دماغها
وناخد تانى اتصال ونقول الو
- الو
- ايوة نتعرف بيكى
- رنا
- رنا كام سنه
- 120
-مرتبطه
- اه بس ربنا يفك حبسه
- ايه الى حصل ..... ممكن تحكيلى
والله يا بيسو من 40 سنه او 50 مش فاكرة كنا بنحب بعض اوى واتجوزنا من ورا عيالنا بصراحه فى الاول كان
طمعان فى ال 300 جنيه الى سابهوملى جوزى الله يرحمه بس بعد كده حبنى واتجوزنا
- هوة بيشتغل ايه
- نجار مسلح
-ايه سبب دخوله السجن
-والله يا بيسو انت عارف ان السجن للجدعان
- مقولناش حاجه
- انا كنت مرة معديه عليه فى الشغل وبعدين واحد عاكسنى قدامه
قام خابطه مطواه على دماغه اخد 9 غرز واتحكم عليه بسنه
وبيقضيها دلوقتى
- وانتى ايه موقفك عايشه ازاى يعنى
- والله هوة بيبيع مخدرات فى السجن وبنرزق يعنى
- بس انا بحبه اوى يا بوس بوس وبحبك انت كمان اوى وبحب البرنامج بتاعك اوى
وحسنه قليله تمنع بلاوى كتير وهنيالك يا فاعل الخير والثواب
- اوكى وربنا يوفقك
اعزائى لسه معاكم وبرنامج انا والبطيخ وهواك
وناخد اس ام اس
هاى بيسو انا عندى امتحان بكرة وياريت تدعولى آيـــه
اوكى ياآيـــه هندعيلك بس متنسيش الشحنه ام خمسه جنيه
وناخد فاصل قصير بتاع ستين دقيقة كدا وجايين
خليكو معانا واغنيه طول عمرى فى المواجع للمطرب الفنان
محمود الحسينى
خليكو معانا